ހޯމަ ދުވަހު މާލޭގައި މިނީ ބަހުގެ ޙިދުމަތް ފަށަނީ،ފުރަތަމަ ދެ ހަފްތާ ދަތުރު ހިލޭ

އަންނަ ހޯމަ ދުވަހު މާލޭގައި މިނީ ބަހުގެ ޙިދުމަތް ފެށުމަށް ތައްޔާރުވެފައިވާކަމަށް އެމްޓީސީސީއިން ވިދާޅުވެއްޖެއެވެ. އެ ކުންފުނިން މިހާރު ވަނީ މި ޙިދުމަތް ފެށުމަށް ވާންޖެހޭ އެންމެހައި ތައްޔާރީތައް ވެފައެވެ.

އެމްޓީސީސީއިން ބުނީ އަންނަ ހޯމަ ދުވަހު މާލޭގައި މިނީ ބަހުގެ ޙިދުމަތް ފަށާއިރު ފުރަތަމަ 2 ހަފްތާގައި މުޅިން ހިލޭ ދަތުރު ކުރެވޭނެކަމަށެވެ. މިނީ ބަހުގެ އަގުގެ ގޮތުގައި ކަނޑައަޅާފައިވަނީ 7 ރުފިޔާއެވެ.

advertisement

މިނީ ބަހުގެ ޚިދުމަތަށް 18 ބަސް މާލޭގައި ބޭނުންކުރާނެއެވެ. އޭގެތެރެއިން 8 ބަހުގައި ފުރޮޅުލީ ގޮނޑީގައި އުޅޭ މީހުންނަށްވެސް ފަސޭހަ ކަމާއެކު ދަތުރުކުރެވޭނެކަމަށް އެމްޓީސީސީއިން ބުނެއެވެ.

The wait is over. Our Mini Bus fleet which includes 36 mini buses have now arrived and port clearance is ongoing. We will keep you updated every step of the way. #HappeningNow pic.twitter.com/gPaOdTZuc7— MTCC Plc (@MTCCPlc) July 16, 2022

އެމްޓީސީސީއިން މިހާރު ވަނީ މާލޭގައި މިނީ ބަސް ދަތުރުކުރާ މަގުތަކާއި ހުއްޓާނެ ތަންތަންވެސް ކަނޑައަޅާފައެވެ. އެގޮތުން ބަސް ދަތުރު މައިގަނޑު 3 ރޫޓަކުން ބާއްވާނެއެވެ. އެއީ ސޯސަން ރޫޓް، އަމީނީ ރޫޓް އަދި އޯކިޑް ރޫޓެވެ. ސޯސަން ރޫޓްގައި 8 ސަރަޙައްދަކަށް ބަސް މަޑުކުރާނެއެވެ. އަމީނީ ރޫޓް އަދި އޯކިޑް ރޫޓްގައި 18 ސަރަޙައްދަކަށް ބަސް މަޑުކުރާނެއެވެ.

ކޮންމެ ބަސް ސްޓޮޕެއްގެ ދެމެދުގައި ހުންނާނީ ފަސްވަރަކަށް މިނެޓުން ހިނގާފަ ދެވޭހާ ދުރުމިނެވެ. އެމްޓީސީސީއިން ވިދާޅުވީ، ބަހުގެ ރޫޓްތައް ކަނޑައަޅާފައިވަނީ އެންމެ ގިނަ ބަޔަކު އެކި ބޭނުންތަކުގައި ގޮސް އުޅޭ ސަރަޙައްދުތަކަށް އިސްކަންދީގެންކަމަށެވެ.

A trial run of RTL Mini Bus Service was conducted with the service stakeholders today. The objective was to physically experience the bus routes to improve our customer experience before the service officially commence. Our gratitude goes to @MaleCitymv & @PoliceMv for support. pic.twitter.com/k4UYlaNW3k— MTCC Plc (@MTCCPlc) August 20, 2022

ބަހުގެ ރޫޓްތައް ކަނޑައަޅާފައިވަނީ ސްކޫލަށްދާ ކުދިންނާއި އޮފީހަށް ނުވަތަ ހޮސްޕިޓަލަށް ދާ މީހުންނަށްވެސް ފަސޭހަވާނެ ފަދަ ގޮތަކަށް ބަލައިގެންނެވެ. ބަސް ދަތުރު އޮންނާނީ ފަތިހު 5:45 އިން ދަންވަރު 12:15އަށެވެ. ކޮންމެ 10 މިނެޓަކުން ސްޓޮޕަށް ބަސް މަޑުކުރާނެއެވެ.

ބަހުގެ ޚިދުމަތުގައި ސްކޫލް ކުދިންނާއި 65 އަހަރުން މަތީގެ މީހުންނާއި، 3 އަހަރުން ދަށުގެ ކުދިންނާއި، ޚާއްސަ އެހީއަށް ބޭނުންވާ މީހުންނަށް މުޅިން ހިލޭ ދަތުރުކުރެވޭނެއެވެ. މާލޭގައި ޓެކްސީގެ އަގު މިހާރު އުޅެނީ 30 ރުފިޔާއަށެވެ. އެހެންކަމުން ބަހުގެ ޙިދުމަތް ފެށުން ވެގެންދާނީ މާލީގޮތުން މާލޭގައި ދިރިއުޅޭ ރަށްޔިތުންނަށް ލިބިގެންދާ ވަރަށް ބޮޑު ފަސޭހައަކަށެވެ.