ބީއެމްއެލް ސްމޯލް ގްރާންޓަށް މިމަހުގެ 15 ގެ ކުރިން ހުށައެޅޭނެ

ދެމެހެއްޓެނިވި ތަރައްގީއާއި ތިމާވެށްޓާއި ގުޅުންހުރި ޕްރޮޖެކްޓްތައް ހިންގުމަށް ޖަމިއްޔާތަކަށް އަމާޒުކޮށްގެން ބޭންކް އޮފް މޯލްޑިވްސްއިން ތައާރަފްކުރި ‘ސްމޯލް ގްރާންޓް’ އަށް އެދި ހުށަހެޅުމުގެ މުއްދަތު މި މަހުގެ 15 ނިޔަލަށް ހަމަވާނެއެވެ.

Apply for BML Small Grants before 15th September!

🌱8 projects will be selected to win a grant of MVR 250,000 each.

🌱Community-based projects around the areas of sustainability, climate change mitigation and adaptation.

View more: https://t.co/knim97jWcY pic.twitter.com/SdLIbbi4Fx— Bank of Maldives (@bankofmaldives) September 6, 2022

މި ފަންޑަށް ހުށަހެޅޭ ޕްރޮޖެކްޓްތަކުގެ ތެރެއިން 8 ޕްރޮޖެކްޓް ހޮވައި ކޮންމެ ޕްރޮޖެކްޓެއް ހިންގުމަށް 250000 ރުފިޔާގެ ހިލޭ އެހީ ދިނުމަށްވަނީ ބީއެމްއެލުން ވަނީ ނިންމާފައެވެ.

ބީއެމްއެލްއިން ބުނީ އެ ބޭންކުގެ ސްމޯލް ގްރާންޓްސްގެ ދަށުން މުޖުތަމައަށް ފައިދާކުރަނިވި އަދި ތިމާވެށީގެ މައްސަލަތަކަށް އަމާޒުކޮށް ހިންގޭ ކުދި އަދި މެދު ފަންތީގެ ޕްރޮޖެކްޓްތަކަށް ހިލޭ އެހީ ދިނުމަށް ހަމަޖެހިފައިވާކަމަށާއި، މި އެހީއާކު ތިމާވެށީގެ މައްސަލަތަކަށް ހައްލު ހޯދައިދެވި، މުޖުތަމައުއަށް ދެމެހެއްޓެނިވި ތަރައްގީ ގެނެވި ހެޔޮ ބަދަލުތަކެއް އަންނާނެކަމަށެވެ.
 
31 ޑިސެންބަރު 2021ގެ ކުރިން ރާއްޖޭގައި ރަޖިސްޓްރީ ކޮށްގެން ހިންގަމުންދާ ޖަމިއްޔާތަކަށް މި ފަންޑަށް އެދި ހުށަހެޅޭނެއެވެ. މި ފަންޑިންގއަށް އެދި ހުށަހެޅޭނެ ދާއިރާތަކުގެ ތަފްސީލް އަދި ފަންޑިންގއަށް އެދި ހުށަހަޅާ ފޯމު ބޭންކުގެ ވެބްސައިޓުން ލިބޭނެއެވެ.