މިއަދުގެ ފާހަގަކޮށްލެވޭ ހަބަރުތައް ކުރުކޮށް

ޕޮލެންޑް ސަފީރު ރައީސްގެ އަރިހަށް ވަދާއީ ޒިޔާރަތެއް ކޮށްފި

ޕޮލެންޑް ސަރުކާރުން ދިވެހިރާއްޖެއަށް ކަނޑައަޅާފައި ހުންނަ ނޮން-ރެޒިޑެންޓް ސަފީރު، އެޑަމް ބްރަކޮވްސްކީ، ރައީސް ޞާލިޙަށް ވަދާޢީ ޒިޔާރަތް ކޮށްފި އެވެ. ރައީސް ވަނީ ރާއްޖެއާއި ޕޮލެންޑުގެ ގުޅުން ބަދަހި ކުރުމަށް ޕޮލެންޑުގެ ސަފީރު ކުރި އިޚްލާޞްތެރި މަސައްކަތް ފާހަގަކޮށްސަފީރަށް ޝުކުރު އަދާ ކޮށްފަ އެވެ.

ނޮޅިވަރަމް ދަނޑުގައި ޓާފް އަޅަން 3 ދުވަހަށް ވެފައި އޮއްވައި ޓާފްތަކުގައި ރޯކޮށްލައިފި

އެތައް ގޮންޖެހުންތަކާއިއެކު ދިގުލައިގެންދިޔަ ނޮޅިވަރަމްގެ ފުޓުބޯޅަ ދަނޑުގައި ޓާރފް އަޅަން 3 ދުވަހަށް ވުމާއެކު ބަޔަކު މިވަނީ ގަސްތުގައި ޓާރފް ތަކުގައި ރޯކޮށްލާފަ.

އެތައް މިލިއަން ރުފިޔާގެ ގެއްލުންދީ ގަސްތުގައި ރަށުގެ ތަރައްގީއަށް ހުރަސްއެޅުމަކީ ވަރަށް ދެރަ އަދި ފިނޑި އަމަލެއް. pic.twitter.com/irGbmqCXDa

advertisement

— Ahmed Mahloof (@AhmedMahloof) January 31, 2023

އެ ދަނޑުގައި ޓާފް އަޅަން އެންމެ ތިން ދުވަހަށްވެފައި ވަނިކޮށް އެ ރަށަށް ގެނެސްފައިހުރި ޓާފްތަކުގައި ރޭ އަލިފާން ރޯކޮށްފި އެވެ. ޓާފްތަކުގައި ރޯކޮށްލީ ރޭ ދަންވަރު 03:15 ހާއިރު. އެކަން ކުރި ބަޔަކު އަދި ނޭނގޭ އެވެ.

މުދަލު ޒަކާތުގެ ނިޞާބުގެ ގޮތުގައި 7062.65 ރުފިޔާ ކަނޑައަޅައިފި

އިސްލާމިކް މިނިސްޓްރީން މުދަލު ޒަކާތުގެ ނިސާބުގެ ގޮތުގައި ކަނޑައަޅާފައިވަނީ 7062.65 ރުފިޔާ އެވެ. މީގެކުރިން މިދިޔަ ސެޕްޓެމްބަރުމަހު ކަނޑައަޅާފައިވާ ނިޞާބަކީ 5777.45 ލާރި އެވެ.

ބ. ކަމަދޫ ބަނދަރު ތަރައްޤީ ކުރުމުގެ މަޝްރޫޢު

ބ. ކަމަދޫ ބަނދަރު ތަރައްޤީ ކުރުމުގެ މަޝްރޫޢުގެ ދަށުން، މަސައްކަތަށް ބޭނުންވާ ބޮޑު ހިލައިގެ ފުރަތަމަ ޝިޕްމެންޓް ވަނީ ޕްރޮޖެކްޓް ސައިޓަށް ގެންދެވިފައެވެ. އަދި، އެއްގަމުތޮށި ލުމުގެ މަސައްކަތުގެ 90 އިންސައްތަ ވަނީ ފުރިހަމަކުރެވިފައެވެ.#MTCCProjects #RayyithungeKunfuni pic.twitter.com/NyBJBRxvbp— MTCC Plc (@MTCCPlc) January 31, 2023

ބ. ކަމަދޫ ބަނދަރު ތަރައްޤީ ކުރުމުގެ މަސައްކަތަށް ބޭނުންވާ ބޮޑު ހިލައިގެ ފުރަތަމަ ޝިޕްމެންޓް ޕްރޮޖެކްޓް ސައިޓަށް ގެންގޮސްފި އެވެ. އެ ބަނދަރުގެ އެއްގަމުތޮށި ލުމުގެ މަސައްކަތުގެ 90 އިންސައްތަ ވަނީ މިހާރު ނިމިފައި ވެއެވެ. 

ރާއްޖެ ސަރަހައްދުގެ ވައި ނުސާފުވުން

ރާއްޖެސަރަހައްދުގައި ވައި ނުސާފުވެ، ލޮލަށްފެންނަ ދުރުމިން ވަނީ ދަށްވެފަ pic.twitter.com/c2gszjXpwO— Maldives Meteorology (@MetMaldives) January 31, 2023

މިއަދު ރާއްޖޭގެ ބޮޑު ސަރަހައްދަކަށް އާންމުކޮށް އުތުރުން ވައިޖެހެމުންދާއިރު މެދުރާއްޖެތެރެއާއި އުތުރު އަތޮޅުތަކުގައި ވައި ނުސާފުވެ, ލޮލަށްފެންނަ ދުރުމިން ވަނީ ދަށްވެފައި ވެއެވެ. މިއަދު ހެނދުނު 7:00އިން ފެށިގެން ހާއްސަކޮށް މެދުރާއްޖެތެރޭ ހިމެނޭ ސަރަހައްދުގައި މި މަންޒަރު ވަނީ އެވަރޭޖް ގޮތެއްގައި 4 ކިލޯމީޓަރަށް ދަށްވެފައި ކަމަށް މެޓު އޮފީހުން މައުލޫމާތުދޭ އެވެ.